Tababarayaasha K/Koleyga Soomaaliya Oo Coaches Clinic Level uga Furmay Djibouti ….

Djibouti: Magaalada Djibouti ee xarunta dalka Djibouti ayaa maanta waxaa sirasmi ah uga furmay tababarka Tababarayaasha Kubadda Koleyga heerka 1-aad [Coaches Clinic Level I] oo ay soo qabaqanqabisay Olympic Solidarity.

Xaflad si heer sare loo soo agaasimay taa oo ahayd tii lagu furayay Coaches Clinic Level oo ay soo Qabanqaabisay Olympic Solidarity  ayaa  waxaa ka soo qeybgalay masuuliyiinta ugu saraysay dhanka ispoortiga dalak Jamuuriyada Djibouti iyo wasaarada isboortiga dalka Somaliya iyo Masuuliyiin ka tirsan  Xiriirada Kubadda Koleyga iyo Kubadda Gacanta.

Ugu horeyn  waxaa  halkaasi ka hadlay Guddoomiyaha Olambikada Somaaliyeed Aadan Xaaji Yabaroow [Wiish]  oo ka hadlay dadaal ay u galeen taabagelinta tababarkan oo uu sheegay in ay GOS kala kaashadeen Xiriirka Soomaaliyeed ee Kubadda Koleyga  iyo  Olympic Solidarity  oo maalgelisay tababarkan  wuxuuna u mahadceliyay mas`uuliyiinta isboortiga jabuuti oo uu sheegay in ay mar walba hiil iyo hooba ay la garab taagan yahiin walaalahooda Soomaaliyeed . wuxuuna kula dardaarmay tababarayaasha tababarkan qaadanaya in ay ka faa`ideysataan  fursadan qaaliga  isla markaasna ay noqdaan kuwo wax u tara dadkooda. Dhanka kale Guddoomiyaha GOS  ayaa ugu mahadceliyay shirkadaha  ganacsiga ee Jubba Airways iyo Qaran Express oo gacan muhiim ah ka qaatay habsami u socodka tababarkan.

Macalin R. Owino  oo Tababaraha tababarayaasha kubadda Koleyga Soomaaliyeed ee tababarkan u  socda ayaa wuxuu sheegay in uu aad ugu faraxsan yahay inuu  arko tababarayaal  21 garaya oo isugu jira rag iyo dumar  oo u diyaarsan in ay ka qeybqaataan  horumarinta ciyaaraha kubadda koleyga  isagoo u balan qaaday tababarayaasha inuu u gudbin doono  aqoonta  uu u leeyahay dhinaca tababarka Koleyga isagoo xusay in tababarkiisu ku salaysan yahay hab la jaanqaadaya Basketball-ka Dunida. Wuxuuna amaan u soo jeediyay  isboortiga labada wadan ee Somalia iyo Djibouti .

Wasiirka Dhallinyarada  iyo Isboortiga  Khadiijo  Maxamed  Diiriye ayaa ugu horeyn waxay mahadcelin u soo jeedisay dowladda iyo dadka Djibouti waxay sheegtay in ay aad ugu mahadcelinayaan sida  u gacansiyaan Isboortiga Soomaalida gaar ahaan  dhinaca Isboortiga  waxayna  ku dheeraatay  Djibouti ay noqon doonto xarun labaad oo ay wasaaradda isboortiga ka wado  howlaheeda, waxayna u mahadcelisay macalinka u dhashay dalka Kenya ee Mr. R. Owino .

Ugu danbayn waxaa halkaasi ka hadlay Wasiirka Isboortiga Djibouti  Xasna Barkad Daa`uud  oo ka dhawaajisay in ay farxad weyn u tahay dhiirigelinta horumarka Somalia iyadoo u balanqaaday Isboortiga Soomaaliyeed inay gacan  mar walba dowladeedu gacansiin doonto . Xasna  barkhad ayaa waxaa ay ammaan u soo jeedisay wasaaradda isboortiga iyo GOS  iyo Xiriirka Soomaaliyeed  ee kubadda koleyga doorka ay ka qaadanayaan horumarinta Isboortiga  iyadoona tani ay daal iyo hormar way utahay Xiriirka Soomaaliyeed ee kubada kolayga oo uu horkaco Ibraahin Hussain Cali {Roombe}.

Waana markii ugu horaysay oo uu madax kanoqdo xiriirka soomaaliyeed ee kubada kolayga oo uu madax kanoqdo Mudane Roombe oo ay tababarayaasha kubada kolayga tababar ugu an ba baxaan dalka dibadiisa iyadoona maanta uu uga furmay dalka Djibouti

Yusuf  Hussein Hassan [Huudda]

yuusuf504@hotmail.com

Cell Phone +254-713355721       

Nairobi – Kenya